Afgeloope vrïjdag wiere ien de Gemeente Génnep naames o.nze Kunning a.cht lientjes uutgereikt. Mar liefst vier daorvan waare vör mi.nse mit groote verdienste vör o.ns Bombakkes.
O.nze officier Frank Smits wier benoemd tot Lid ien de Orde van Oranje Nassau o.a. vanwèège zien verdienste vör Flamingo’s (meer as 40 jaor!), zien buurtvereniging én ’t Bombakkes. Frank was Prins ien 1991 en van toen wies 2009 was ie as raods- én bestuurslid (15 jaor) heel aktief ien o.nze klup. Enne verenigingsman ien hart en niere, en daoröm en dik verdiende onderscheiding! Profiesjat, ôk vör ów Yvonne!
Heel bizonder was ’t dubbele lientje vör o.nze ereleden Louis en Silvia Poppelier. As echtpaor zien ze al heel lang vrïjwillig begeleider van enne client van Dichterbij. Daornèève is Silvia heel aktief binne Popkoor Cheers, de Génnepse Revue en hét Louis ’t druk mit o.a. Summertime, Stichtng Effe d’r Uut, ’t Génneps Vocaal en de Mé.rtzitting. Louis was meer as 15 jaor Raodslid bïj ’t Bombakkes, waorvör hïj saame mit Silvia heel veul wé.rk hét verzét. En nog a.ltied kunne wïj en beroep op ze doe.n! Silvia en Louis, van harte profiesjat mit dees mójje erkénning!
O.nze Wööles, Officier John Hofmans, is de vierde ien dit mójje rïjtje. Hïj wier onderscheide vanwèège zien verdienste vör ’t Rooje Kruus, as bestuurslid van de buurtvereniging, as begeleider van enne client van Dichterbij, as vrïjwilliger bïj Stichting Effe d’r Uut én natuurlek zien jaorelange lidmaatschap (saame mit Ini) van ’t Bombakkes. Van 1999 wies 2015 was hïj lid van de Raod van Ellef en daorvan ôk nog 6 jaor bestuurslid. Ien 2004 had ie de eer öm o.ns as Prins vör te mugge gaon ien de Vastelaovend.
Ôk hier kunne we sprèèke van en dubbel en dwars verdiende benoeming tot Lid ien de Orde van Oranje Nassau. John, én Ini, Profiesjat!