't Bombakkes

öm 18.00 uur stonde de örste bezuukers van ’t Krölt d’r al vör de deur van Pica Mare zodat ze de beste plètse ien de feesttempel konde gemachtigen. Toen eenmaal de deur oope ging vlooge ze as bezetene de zaol ien ;-).

Öm ellef minuute vör 7 trok de raod vör de Prins Tom 1 en Prinses Kirsten de zaol ien. Geert verwelkomde iedereen ien de zaol. De zaol was wèr schitterend ângekleejd mit ’n geweldige lichsjoow. Nao de welkomswöörd van de Vorst mos Barend naor vörre kômme. Hïj wie benoemd tot Officier van ’t Bombakkes Vör al zien ienzet in alle jaore dat hïj lid was van de clup.

Hiernao kwam de prizzentator de bühne op die uutlegde wat het thema was. ’t Thema was Limburg vs. Brabant en tussendör kreeg ’t publiek vraoge. Nao dizze uutleg en de örste vraoge kwam de troebadour van Schrobbelèr ’t podium op. ’n Limburgse jong die tiggewoordig ien Brabant woont. En daormöm ’n mojje mix van Limburgse en Brabantse hit kos speule. Mit as resultaat dat de Gouverneur mit kwam zinge op de bühne.

Natuurlik traden o.ns èège dansgardes op, dit jaor mar liefst 4 dansgardes! Mit allemôl ’n mojje dans.

Mar we hadde ôk twee buutreedners van buute Gennep, dit mit hun grappe de lachers op hun hand hadde. Mar tradisiegetrouw waare de Ex-Hoogheden nao de pauze ân de beurt mit hun stuk. Dit jaor “Tussen Kunst en Kitsch” as hun thema. Een mix van filmpkes en live sketches ovver lokale dinge.

Lâtter kwam Genneps Gemixte de zaol ien mit de meezingers en de zaol dit moj mit. Hiernao was ’t tied vör de afterparty waor de Prins en Prinses nog ff flink feest maake mit hun vriende van CC Noojt Zat.

Mar foto’s zegge meer dan woorde, dus klik snel HIER öm naor ’t fotoalbum te gaon en geniet nog efkes nao van ’t Krölt d’r.

Tijdens ’t Krölt d’r wier ex-raodslid Barend van der Venne de bühne opgeroepe. Vorst Geert haj één of ander smoesje bedocht, mar Barend kennende trapte hïj daor nie ien, hij speulde wel goe.d mit… Mar al vrij snel kwam de aap ut de spreekwoordelikke mouw. ’t Bombakkes wooj Barend verassen mit de benoeming tot officier, mar hoe doede da bïj iemand die alles altied (dinkt) dör te hebbe… Uuteindelijk makt dat ôk niks uut. Barend het dizze benoeming dik verdiend vör al zien ienzet vör ’t Bombakkes en vör de Gennepse vastelaovend.

Natuurlik was dit allemôl nie gelukt zonder Jeanette die zich ôk altied het iengezet vör ’t Bombakkes. Saame hebbe ze records verbrooke. Jeanette is ien 1988 as trèènster van de dansgarde begonne bïj ’t Bombakkes en al snel volgde Barend haar. Barend wier ien 1991 raodslid van ’t Bombakkes. Dat wil dus zegge dat Jeanette 37 jaor lid van ’t Bombakkes is gewèst en Barend 34 jaor! Zo zien zij degene die ’t langst lid zien gewèst van ’t Bombakkes.

Barend en Jeanette hebbe alle functies binnen ’t team van de prins gehad. Zo begone zïj ien 1994 bïj Prins Toon ien ’t team en hadde zïj bïj Prins Marco d’n Örste vör de lè.ste keer ’n funksie. Ien 2016 kreege ze zelf de högste eer van de Gennepse vastelaovend, ien dat jaor hebbe zïj as Prins en Prinses Carnaval mit de scepter mugge zwaoie.

Ien al die jaore het Barend ien allemôl verschillende commissies of werkgroepe gezeete. Zo is hïj 28 jaor vörzitter van de optochtcommissie gewèst. Mar hïj zat ôk ien de commissies van ’t Schlagerbal, vruutersfeest en de recepsie en èègelik alles behalve de Zitting. Buute de commissies het hïj zich ôk jaore iengezet binne de Technische Commissie zodat alles spik en span ien orde was.

De lè.ste jaore probierde hïj de nïjje leeje scherp te ha.lde en was hïj ’n sort van geweete van de clup. Mit alle jaore ervaring ien zijn achtertès had hïj veul kennis ovver o.nze mojje clup. Mar ôk altied mit ’n knipoog, zo stemde hïj duk tèège as iedereen veur was. Hïj stemde zelfs tèège zien èège ideeën.

Al mit al kunde wel zien dat Barend, maar zeker ôk Jeanette, zich mit volle overgave het iengezet vör ’t Bombakkes. En daoröm het hïj dizze benoeming dik verdiend.

Barend en Jeanette BEDANKT!

In feesttempel Pica Mare was op zaoterdag 17 jannewaorie de resépsie van Prins Tom d’n Örste en Prinses Kirsten.

Tradisie getrouw wier de resépsie dör Hermonie Unitas et Fidelitas geopend mit ’n serenade ân ’t kersverse Prinsepaor van o.nze stad Gennep. En ôk tradisie is dat de dansgardes van ’t Bombakkes hiernao hun nïje dans kômme laote zien ân ’t Prinsepaor en de rest van Gennep. Dit jaor hebbe we maar liefst 4 dansgardes, geweldig! En de kledingcommissie het gezörgd vör nïje danspèkskes, complimenten!

Hiernao kwaame de örste gruupkes die Prins Tom en Prinses Kirsten toe wilde sprèèke. De zaol liep steeds voller, de minse hinge nog net nie mit de been buute. Wat ’n gezelligheid ien de zaol. Rond 8 uur was d’r tied vör alle individuele die de prins wilde felicitere, d’r kwam maar gèn ènd ân de rij. Onder de klanken van Zuutjes Èn konden zij de fillicitasies ân ’t Prinsepaor aover brenge. Net vördat de aojjem bïj Zuutjes Èn op was de rij verdwenen en konden de leeje van de joekskapel de Prins en Prinses filliciteere.

Toen was ’t tied vör de familie van de Prins en Prinses, wat ’n feest. Ze hadde ’n liedje vör ze gemakt en natuurlijk zong iedereen uut volle borst mit. En zo gèt de aovend maar dör, de ene nao de andere groep of vasteloavesvereniging kwam vörbïj.

D’r was nog een verrassingsoptreeje van CC Merge Wér. De polonaise ging dör de ganse zaol. Hiernao was ’t ôk nog feest met Nèvve d’n Diepvries.

Maar vör de Prins en Prinses was d’r hôst op ’t ènd tied vör de vrienden- en carnavalsgroep CC Noojt Zat. Die blij waare dat ze EINDELIJK ’n prins ien hun clupke hadde.

Nao dit alles was ’t vör de afterparty met alle Prinse en Prinsesse die d’r nog waare de tôffel op en nog efkes flink op de kist houwe. Vördat iedereen d’r erg ien had was ’t al laot, te laot ;-).

’t Het d’r wér mundig gekröld mit Prins Tom en Prinses Kirsten!

Klik HIER öm naor de foto’s te gaon.

Binne unne mum van tied waare alle kaorte vör ‘t Krö.lt d’r vanaovend uutverko.cht.
Dat belaoft enne mojje aovend te worre!!!

’t Was kald ien Gennep en d’r lag veul snèj en ies, mar bïj Prins Tom en Prinses Kirsten was de oprit en de stoep brandschoon. Hier waare de raodleeje blij mit, want dan hoefde zij dit nie mer te doe.n. Want zij hebbe immers al zat werk mit ’t leeghaole van ’t paleis (dit doe.n ze mit alle liefde heur). Toen alles klaor stond kôs ’t Oope Huus van start gaon. Örst was d’r ’n moment vör de raod van 11, vrollie en blaage, waor ze de Prinselijke onderscheiding uut hande van Prins Tom d’n Örste ontvinge.

Mar al gauw liep Gennep uut vör ’t Oope Huus van Prins Tom en Prinses Kirsten, de villa van de Prins en Prinses was al gauw te klèèn vör alle minse. Gelukkig stond d’r ’n goed geïsoleerde partytent mit twee ‘hieters’ ien d’n hof van ’t paleis, mar helaas had dizze te.nt gèn vloerverwerming 😉.

De joekskapelle baande zich ’n weg naor binne öm ’t kersverse Prinsepaar te verrassen mit ’n serenade. Waornao ze nog kort ’t woord richtte tot de nïje Heersers van de stad Gennep.

Halverwege ’t oope huus wier iedereen welkom geheete dör Örste adjudant Joris alias de Kaketoe en hïj gaf daornao de microfoon dör ân vörzitter Marco Seelen. Prins Tom en Prinses Kirsten zien voor Marco de létste prins en prinses die hïj zal toespreeke ien zien rol as vörzitter.

Marco vertelde hoe ’t zo was geloope de afgeloope tied, de weg richting de vastelaovend voor Prins Tom, Prinses Kirsten en de PrinseKeuzeCommissie. Hïj had mit momente natuurlijk de lachers op zien ha.nd.

Richting ’t ènd van ’t oope huus wier Prins Tom nog verrast mit ’n bezuuk van ’t bestuur van Vitesse ’08. Ze kwaame de fillicitaties ovverbringe naames de clup, mar ze hadde ôk nog ’n mojje verrassing. Prins Tom  is 25 jaor lid van Vitesse ’08 en wier gehuldigd vör zien jaore trouwe lidmaatschap.

Vör alle a.ndere foto’s motte HIER klikke.