Prins Tom d’n Örste en Prinses Kirsten!

Ien de goe.d gevulde en sfeervolle feestempel van 4Events, is gisteraovend Tom Janssen uutgeroepe tot Prins Tom d’n örste. Hïj is de 75e Prins ien de historie van ’t Bombakkes en zal mit zien Prinsés Kirsten o.ns allemaol vörgaon ien de kómmende Vastelaovend.

Op ’t “Prinsebal Masqué” waare veul mój verkleejde én gemaskerde ga.ste afgekómme. D’r was zelfs en groote dillegaasie van de Plekkers uut Vortum Mullem op bezuuk, die ôk heel benïjd waare wie d’n nïjje heerser ovver Bombakkië zoj wórre. Mar vördet ’t zewied was, wier örst nog en nïj Da.nsmarietje geprizzenteerd: Aukje Janssen stét vort zïj en zïj mit Nina en Lisa en zïj zulle gedrieë o.nzen Hoogheid de kómmende vastelaovend bïjstaon.
De zaol wier daornao goe.d opgewé.rm dör de Génnepse joekskepélle en de fantastische Carnavalsband.nl . En toen de spanning hoog genoeg was opgevoerd ginge de la.mpe op ’t podium uut, en ien unne tunnel van leezerlicht was ’t sieloewét van d’n nïjje Hoogheid al te zien. D’r wier afgetéld en ienèèns sto.nd ie daor: Prins Tom d’n Örste! Zien Prinsés sto.nd al gáw nèvven um te straole!

Nao ’t vörlèèze van de proklamaasie en ’t bekénd maake van de benoeminge kwame Prins en Prinsés de zaol ien en kos ’t feest e.cht los gaon. Saame mit de Joekskapélle, DJ Hans én Carnavalsband.nl wier ’t nog unne fantastiese aovend.

Ienmiddels staon de foto’s van ’t Prinsebal én ’t Oope Huus online. Mit da.nk èn d’n Haon.

Resépsie van Prins Tom I & Prinses Kirsten

In feesttempel Pica Mare was op zaoterdag 17 jannewaorie de resépsie van Prins Tom d’n Örste en Prinses Kirsten.

Tradisie getrouw wier de resépsie dör Hermonie Unitas et Fidelitas geopend mit ’n serenade ân ’t kersverse Prinsepaor van o.nze stad Gennep. En ôk tradisie is dat de dansgardes van ’t Bombakkes hiernao hun nïje dans kômme laote zien ân ’t Prinsepaor en de rest van Gennep. Dit jaor hebbe we maar liefst 4 dansgardes, geweldig! En de kledingcommissie het gezörgd vör nïje danspèkskes, complimenten!

Hiernao kwaame de örste gruupkes die Prins Tom en Prinses Kirsten toe wilde sprèèke. De zaol liep steeds voller, de minse hinge nog net nie mit de been buute. Wat ’n gezelligheid ien de zaol. Rond 8 uur was d’r tied vör alle individuele die de prins wilde felicitere, d’r kwam maar gèn ènd ân de rij. Onder de klanken van Zuutjes Èn konden zij de fillicitasies ân ’t Prinsepaor aover brenge. Net vördat de aojjem bïj Zuutjes Èn op was de rij verdwenen en konden de leeje van de joekskapel de Prins en Prinses filliciteere.

Toen was ’t tied vör de familie van de Prins en Prinses, wat ’n feest. Ze hadde ’n liedje vör ze gemakt en natuurlijk zong iedereen uut volle borst mit. En zo gèt de aovend maar dör, de ene nao de andere groep of vasteloavesvereniging kwam vörbïj.

D’r was nog een verrassingsoptreeje van CC Merge Wér. De polonaise ging dör de ganse zaol. Hiernao was ’t ôk nog feest met Nèvve d’n Diepvries.

Maar vör de Prins en Prinses was d’r hôst op ’t ènd tied vör de vrienden- en carnavalsgroep CC Noojt Zat. Die blij waare dat ze EINDELIJK ’n prins ien hun clupke hadde.

Nao dit alles was ’t vör de afterparty met alle Prinse en Prinsesse die d’r nog waare de tôffel op en nog efkes flink op de kist houwe. Vördat iedereen d’r erg ien had was ’t al laot, te laot ;-).

’t Het d’r wér mundig gekröld mit Prins Tom en Prinses Kirsten!

Klik HIER öm naor de foto’s te gaon.

Oope Huus Prins Tom I en Prinses Kirsten

’t Was kald ien Gennep en d’r lag veul snèj en ies, mar bïj Prins Tom en Prinses Kirsten was de oprit en de stoep brandschoon. Hier waare de raodleeje blij mit, want dan hoefde zij dit nie mer te doe.n. Want zij hebbe immers al zat werk mit ’t leeghaole van ’t paleis (dit doe.n ze mit alle liefde heur). Toen alles klaor stond kôs ’t Oope Huus van start gaon. Örst was d’r ’n moment vör de raod van 11, vrollie en blaage, waor ze de Prinselijke onderscheiding uut hande van Prins Tom d’n Örste ontvinge.

Mar al gauw liep Gennep uut vör ’t Oope Huus van Prins Tom en Prinses Kirsten, de villa van de Prins en Prinses was al gauw te klèèn vör alle minse. Gelukkig stond d’r ’n goed geïsoleerde partytent mit twee ‘hieters’ ien d’n hof van ’t paleis, mar helaas had dizze te.nt gèn vloerverwerming 😉.

De joekskapelle baande zich ’n weg naor binne öm ’t kersverse Prinsepaar te verrassen mit ’n serenade. Waornao ze nog kort ’t woord richtte tot de nïje Heersers van de stad Gennep.

Halverwege ’t oope huus wier iedereen welkom geheete dör Örste adjudant Joris alias de Kaketoe en hïj gaf daornao de microfoon dör ân vörzitter Marco Seelen. Prins Tom en Prinses Kirsten zien voor Marco de létste prins en prinses die hïj zal toespreeke ien zien rol as vörzitter.

Marco vertelde hoe ’t zo was geloope de afgeloope tied, de weg richting de vastelaovend voor Prins Tom, Prinses Kirsten en de PrinseKeuzeCommissie. Hïj had mit momente natuurlijk de lachers op zien ha.nd.

Richting ’t ènd van ’t oope huus wier Prins Tom nog verrast mit ’n bezuuk van ’t bestuur van Vitesse ’08. Ze kwaame de fillicitaties ovverbringe naames de clup, mar ze hadde ôk nog ’n mojje verrassing. Prins Tom  is 25 jaor lid van Vitesse ’08 en wier gehuldigd vör zien jaore trouwe lidmaatschap.

Vör alle a.ndere foto’s motte HIER klikke.

Carlo en Kim zien wèr boer en boerin

Op zoaterdag 3 jannewaorie was ’t alwèr tied vör ’t boerebal. ’t Prinsejaor van Prins Carlo en Prinses Kim is werkelik waor vörbïj gevlooge. Veul hôgtepunte hebbe ze gehad, mar ân al ’t mojs mot toch echt ’n keer ’n ènd kômme.

’t Was rond half 9 toen de örste minse binne kwaame gedruppelt. De snèj viel goe.d uut de lucht en d’r lang veul snèj, ienmiddel ies, op de grond. ’t Was dus een “helse tocht” öm bïj Hotel te Kroon te kômme. Mar zuutjes èn strömde d’r steeds meer minse naor binne.

De aovend begon rustig, iedereen mos nog efkes werm worre nao de ka.lde tocht dör ’t Gennepse. Mar vördat we d’r erg ien hân stonde de dansmarietjes baove op d’n tôffel. ’t Was tied um afscheid te nèème van twee van o.nze Dansmarietjes. Jet en Marloes vonden ’t nao ’n paor jaor moj gewèst. De clup van Ex-Dansmarietjes spraake de dames toe waornao ze toetraade tot dizze clup.

Marloes en Jet bedankt vör de afgeloope jaore.

Hienao was ’t tied vör Prins Carlo en Prinses Kim öm nog efkes feest te maake op “ut biljart”. Mar al gauw wier ’t feest verstoord dör de Ex-Prinsseclup. Zij kwaame bïjèn en dat betekende dat de lètste minute van Prinses Kim zien iengegaon. Ex-Prinses Monique kreeg de eer öm, toen nog, Prinses Kim toe te spreken. Ze kreeg de roze zakdoek en hiernao was ’t gedaon en was Kim wèr ’n Gennepse boerin.

Ondanks dat Kim boerin was geworre hield dit haar nie tèège öm saame mit Prins Carlo flink op de kist te houwe. D’r wier nog flink gehost en gespronge op de tôffel vördat de lètste 11 minuten van Prins Carlo zouwe iengaon. ’t Team van de Prins liep al mit de koffer dur ’t café, as teeke dat ’t hôst was gedaon mit Prins Carlo. En dat was ôk zo, want zoas altied, wanneer ’t gezellig is vliegt de tied vörbïj.

Vorst Geert en Carlo prooste nog één maal en toen richtte Prins Carlo zich tot de minse ien ’t café. Een kort dankwoord aan iedereen, maar zeker ân zien team. ’t Team wat vör ze klaor het gestaon. Hïj nodigde ze uut op de tôffel öm de lètste minute feest te maake.

Hiernao de taak ân ’t team öm Prins Carlo te ontdoen van zien prinselikke versierselen tot hïj ien zien hemd stond te kieke. Mar toen kreeg hïj de boerekiel van de Ex-Hooghedenclup ân. Zoas altied stond de Ex-Hooghedenclup al klaor öm ’t örste rondje ien ontvangst te neeme van hun nïjste lid.

Zoas te lèèze was ;t wér ’n gezellige aovend en ’n moj afscheid van Carlo en Kim.

’t Krölt d’r!

Agenda

Bekijk kalender