Gistere, zondag 16 augustus, kreege wïj ’t droevige bericht dat o.ns ex-raodslid en erelid Bertus van As van o.ns is hingegaon. Hïj was 72 jaor.

Bertus was enne markante mi.ns, mit en groot hart vör ’t Génnepse verenigingslèève. Veule jaore was hïj op allerlei fronte aktief binne Flamingo’s, Vitesse, o.ns Bombakkes en nog veul a.ndere organizaasies.

Foto Bertus van As as Schorriemorriemèèster
“Schorrie” Bertus van As, op en foto uut 2009

Bïj ’t Bombakkes was hïj mar liefst 19 jaor lid van de Raod van Elf. Ien die periode was ie ien veul verschillende kemissies aktief; vöral vör de PR- en de Zittingskemissie hét ie veul betèèkend. Hïj bezo.cht bïj alle  vastelaovesclups ien de Gemeente Gennep ieder jaor de zitting en schreef daor dan a.ltied en mój stuk aover ien de Maas & Niersbode of één van de opvolgers. Daornèève was ie o.nze èège Hof-fotograaf.  Dat leeverde um de bïjnaam “De Flitser”op. Veul van de foto’s die op o.nze site zien te bewondere, zien van zien ha.nd
Ôk was hïj onder verschillende Hoogheede  Schorriemorriemèèster, en funksie die ‘m op ’t lief was geschreeve.

Vör al dat we.rk vör de vastelaovend ien Génnep én daorbuute onving hïj bïj zien afscheid in 2012 nog de hoge “Orde van Verdienste” van de Samenwerkende Limburgse Vastelaovesvereniginge.

Ôk nao zien aktieve periode as Raodslid bleef Bertus e.rg betrokke bïj de vastelaovend en ’t Bombakkes. Hïj bleef zien steentje bïjdrage ân de PR- en zittingskemissie en was, wies ’t nie mér ging, a.ltied op o.ns aktiviteite ènweezig.

Wïj herinnere ien groote dankbaarheid enne goeje mi.ns mit en groot vasteloaves- en verenigingshart.

Rust za.cht, Bertus.

De Flitser flitst nie mér

Aankomende evenementen