Afgeloope zondag, mit ’t MaNieFest Prinsetréffe, het Ton Peters uut ha.nde van de Prizzedent van de Saamewirkende Limburgse Vastelaovesvereiniginge de “Orde van Verdeenste” ontvange. Hïj kreeg dees mójje onderscheiding vör al ’t we.rk wat ie vör de Génnepse Vastelaovend hét gedaon, én nog steeds duut!
Ton hét afgeloope juni afscheid genoome van de Raod van Ellef, nao o.ns clup veule jaore te hébbe gediend. Hïj was a.ltied actief ien allerlei kemissies: PR, Liedjesaovend, Optocht, Niersjaorsduik en Mè.rtzitting. Zo was hïj ’t den de örste website van de clup ien de lucht braocht en akteweel hie.ld. Veul foto’s en fillemkes van o.ns activiteite waare van zien ha.nd. Daor zien heel wat montage uurkes ien gaon zitte.
Al vanaf ’t begin van zien lidmaatschap was Ton lid van de organizaasie van de Mè.rtzitting. Daorbïj was (en is hïj nog steeds) verantwoordelek vör de ienrichting van ’t plein en alle veiligheidsaspékte die daorbïj kómme kie.ke.
Ôk ien de kemissie Optocht was Ton heel aktief. Mede dör zien ienzet is d’n optocht de afgeloope jaore gegroeid naor één van de grötste ien de regio. ’t Gevolg van zien ienzet op zaoterdag (Mè.rtzitting) en zondag (optocht) was dat Ton ziene vastelaovend èègelek a.ltied pas op zondagaovend begos. Dan kos ôk hïj zich ien ’t gedruus storte.
Saame mit John Hofmans was -en is- hïj ôk nog de drie.vende kracht (raore uutdrukking ien dit verba.nd) achter de jaorlekse Niersjaorsduik.
Ton, den dit alles natuurlek alleen mar kos doen mit de steun van zien Monique, zal vör ’t Bombakkes zeeker nie verlaore zien. As Compaen blieft hïj betrokke en zal hïj zien bïjdraage blieve leevere en o.a. de Mè.rtzitting en de Niersjaorsduik.