DSC_4708’t Twédde Lallebal van ’t Bombakkes is verrassend gewonne dör Jong Nederland. Dees debuterende deelnemers waare mit hun sté.rk gezonge “Wïj telle af” de favoriet van de jury. De twédde pléts was vör de Waggelaars mit “Dan nimde nog en lekker frietje met” en de derde pries ging naor C.C. de létste Drup mit hun liedje “Lekker gaon feeste”.  De thema-pries was vör Wa Vlotter mit “Wïj gaon d’r ân”.

D’n aovend begos mit en mome.nt van stilte ien verba.nd mit ’t ovverlïjje van Ere-Kanunnik Dèèke Huisman. Daornao was ’t de beurt en alle deelnemers öm hun zang- en podiumkunste ân de jury én de zaol te laote heure en zie.n. Jong Nederland beet ’t spits af mit “Wïj télle af”; ze télle af wies de vastelaovend en kunne nie wa.chte öm te zien wie de nïj Prins wördt. Misschien wél enne van Jong Nederland?
De routiniers van de Ex-Hoogheden hân enne nïjje da.ns iengestudeerd: De Vastellaki, enne mójje variant op de sirtaki en ze kreege de zaol zewied öm mit te doe.n. De debuta.nte van CC De Létste Drup bezonge op enthousiaste wies de manier waorop zïj ieder jaor vastelaovend viere in hun liedje “Lekker gaon feeste”. De Waggelaars bezonge da gevuul da iedereen kent nao enne aovend stappe; dan hédde nog zien ien wat lekkers en “Dan haolde nog en lekker frietje met”. Ien en poging de jury öm te koope, kwaame ze zelfs mit en schaol friet de zaol ien. 
’t Ste.rk gezonge “Vastelaovend ien de stad” van C.C. Mé.rge Wer beschreef hoe we ien Génnep de Vastelaovend viere en saame schik maake. De ex-Prinsessen van ’t Bombakkes lie.te mit “Toen ging ’t lé.mpke uut” zien en heure wat d’r gebeurt as ge nét iets te lang dör gaot mit feeste. Dan stét d’r gén steek mer recht… 
’t Kleurrijke gezelschap van “Wa Vlotter” liet zie.n  ien “Wïj gaon d’r ân” dat ze wér heel veul zin hébbe ien de vastelaovend en ’t motto “Lang lèève de lol” ten volle onderschrie.ve.
D’n afsluuter van d’n aovend was vör Prins Peter en zien gevolg, die onder de naam “Team Tegelse” mit ’t nummer “Mit ów vastelaovend belèève” al enne trugblik gaave op en prachtig prinsejaor.

Daornao was ’t tied vör de jury öm zich onder leiding van onafhankelek vörzitter Commandeur Theo Roosenboom trug te trékke en alle pu.nte bïjén te telle. Da was gáw zat gebeurd zedat en half uur lâtter alle deelnemers ien spanning op ’t podium stonde öm ’t oordeel te verneeme. De jury had vör alle deelnemers nog en kort woordje maar al gáw was ’t hoge woord d’r uut: De (vernïjde) Moel-Moel Trofee was vör Jong Nederland!
Uuteraard wier ’t winnende liedje nog ’s gezonge waornao ’t nog enne lange en gezellige aover wier.

Alle foto’s (mit da.nk ân ’t Plékplötje en Mireille) staon ien dit album. De fillemkes kómme lâtter nog.

 

Moel-Moel trofee vör Jong Nederland
Facebooktwitter