Binnekórt vèè.lt ie wér ien heel Génnep ien de bus. De nïjje Bombakkeskra.nt, mit natuurlek Stadsprins Stef d’n Ördste op de vörpagina. Afgeloope vrïjdag wier de nïjje krant ien en gezellig café de Dragonder geprizzenteerd dör de kra.ntekemissie en Sjang Noy van Printmarkt.eu.
Vör ’t örst was de uutreiking openbaar toegankelek, en veule geïnteressierde waare daorop af gekómme. D’r was zélfs en fli.nke dillegaasie van de Leemknejers (ienklusief Hofkapél) uut Oeffelt enwezig; zïj waare nie ien de gelegenheid gewést öm op o.ns resépsie te kómme en hadde dees ka.ns engegrepe öm toch nog o.nze Prins en zien ien de Leemkuul gebaore Prinsés te kómme fillisiteere.
Nao die feesteleke opening van d’n aovend, was ’t tied öm de 70e Bombakkeskra.nt uut te reike en Prins Stef. ’t Is kwa vörmgèèving en ienha.ld wér en bizonder exemplaor geworre. Da.nk daorvör en alle schrie.vers, advertensieverkoopers, redakteure en natuurlek direksie en personeel van Printmarkt.eu.
I.nkele artikele kosse helaas vanwèège ruumtegebrék nie gepletst worre. Die zien evvel wél hier op de site te lèèze. De foto’s van de kra.ntuutreiking staon ien dit album (mit da.nk ân d’n Haon).