Mit de plètsing van èn groot reklame doek gèt Bombakkes de lètste wééke van vörbereidingen ien van 't Jubeleumwiekend. Op de rotonde van Génnep, waor ge normaal gesprooke goe.d omhin komt, komde vanaf now niet mèr öm on.s jubeleumfeest hin. Ien wéér en wie.nd is 't bord ömhoog gedowd en va.st gezet. Dankzïj o.a. Voegersbedrief Janssen stèt 't nog steeds. Vanaf dizze wéék zudde vort o.veral ons Roet66 logo tège kommen.

Vergèt nie alvast ow kartje op onze vörverkoopadresse te bemachtigen.

Dör 't zette van de létste penseelstreeke op en schilderij hét Prinses Meike"(Prins Guus kos vanwèège zien we.rk helaas onmeugelek enwezig zien) vrïjdagaovend offisjeel de Via Carnevale oftewel de Kunst Roet 66 geopend. Op dees kunstroete zien schilderijje te zie.n van leerlingen van kunstenaar Mirso, die zich en ental maonde bezig geha.lde hébbe mit 't thema "Masker" oftewel "Bombakkes". De kunstwe.rke hange ien de winkelstraote (Niersstraot, Zandstraot en Spoorstraot) van Génnep. Ze zien goe.d te viende dör de gruun-witte striepkes die op straot geschilderd zien.
Vanwèège hun inzet vör dit project kreege inisjatiefneemers Mirso en Hay van Arensbergen de jubeleummedájje van 't Bombakkes ömgehange, net as Margriet Weerts, die ôk heel veul we.rk vör dit project verzét hét.
Op d'n éggeste aovend wier ôk enne prachtige folder/pooster onthuld, waorop alle ruum 70 kunstwerke op en gewéldig mójje manier zien saamegebraocht. Dizze poster zal vanaf kómmend maondag te krie.ge zien bïj de Printmarkt ien de Niersstraot. Foto's van alle kunstwérke (gemâkt dör 't Plékplötje) kunde evvel ôk hiero.nder bekie.ke. De foto's van de opening staon ien en apart album.

Vanaf vandaag ku.nde kaorte koope vör de twee groote jubeleumaktiviteite: Bombvalley (de Radio 538 diskosjoo mit Niek van der Bruggen en Jens Timmermans) en de Staoning (en sort iendoor Mé.rtzitting). De kaorte zien te kriege bïj Café de Dragonder en bij ID-Ballon allebei ien Gennep.

De nïje Jubeleum Prins van 't Bombakkes hiet Prins Guus d'n Urste. Ien 't dageleks lèève wört ie Guus Noij genoemd. Prins Guus zal same mit zien Prinses Meike, d'r enne prachtige vastelaovend van maake. Getuuge hun entoezjasme bïj 't uutkomme, wördt 't en gewéldig mój jaor!

Ge ku.nt 'm fillisiteere ien o.ns ga.steboek, mar hïj is as bïj d'n tiedse Génnepse jong natuurlek ôk bereikbar op twitter en feestboek!

Zien proklamaasie stét ôk al on-line, en ge ku.nt ôk al zie.n wie d'r ien zien tiem zitte.

De urste foto's zien al te bekieke ien dit album. Natuurlek was ôk gennep.nu d'r wér as de kiepe bïj mit ennen hoop foto's.  En 't fillemke van Harm Teunissen hébbe wïj ôk al aovergenome. Op 't Gezellige Oope Huus hét Bertus ôk wat foto's gemakt.

Afgeloope zaoterdag kwam d'r en eind ân de regieringsperiode van Prins Marcel d'n Urste en zien Prinses Marleen. Op 't gezellig drukke Boerebal ien Hotel de Kroon wier d'n Hoogheid van 2011 van zien Prinseleke waordighede ontdaon en daornao dör de ex-Hoogheden van 't Bombakkes opgenoome ien hun Broederschap.