11 Mért was d'n oorspro.nkeleke oprichtingsdatum van 't Bombakkes. De jubeleerende vastelaovesclup hét dizze histooriese dag nog 's herdaocht mit en brunsj vör alle leeje en hun femilie. 't Was meteen de afsluuting van en grandioos jubeleumseizoen.

Nao afloop van de brunsj wier d'r nog en offisjeele handeling gedaon. Ien de Bombakkeskra.nt sto.nd en priesvraog, die uuteindelek 4 winnaars opleverde. Prins Guus 1 deej de trekking en kos de prieswinnaars mit en tegoedbon gelukkig maake.

De winnaars van de priesvraog waare: Wim Vink, Eefke Smits, Jan Jansen en Jose Braks.

Op de foto Prins Guus I temidde van prieswinnaars Wim Vink, Jan Jansen en Jose Braks. Eefke Smits ontbrékt op de foto.

Op as-woensdag, öm 17.00 uur hét Prins Guus d'n urste de trékking gedaon van de optochtloterij. De pries zien af te haole bïj Verhasselt Mode ien de Spoorstraot.

Ondanks det 't wèè.r spélbrèèker prebierde te speule, gét d'n Optocht van 2012 de boeke ien as één van de grötste en mójste ooit. Meer as 1900 deelnemers hadde wér héél veul moeite gedaon öm d'r allemôl ze mój meugelek uut te zien. D'r waare fantasties mójje waages en ongeleuflek gékke uutdossinge. Prins Guus en Prinses Meike hébbe van 't begin wies 't èè.nd genoote van zeveul kleur, ideeje, entoezjasme en sfeer. Daor kos d'n hagel, rèège, snïj en wie.nd nie téggenop!

Op  gennepnu.nl viende mit da.nk en Harm Teunissen al ennen haffel foto's. En de Limburgse zender L1 hét en mojje rippertaazje van ongevèèr en kwartier gemakt!

D'n kompleete uutslag van d'n optocht viende hiero.nder. Hèdde ow pries nog nie opgehâld nèèm dan contact op mit M. Ponjee tel. 0485-513561.

Op de Prosépsie t.g.v. 't 6x11 jaorrig bestaon van 't Bombakkes is vör d'n urste keer en nïjje onderscheijjing uutgereikt: De Go.lden Teun.

2,5 jaor geleeje, toen 't Bombakkes begos mit de plannen vör ‘t 66 jaorig bestaon kwam ‘t idee um en onderscheiding uut te reiken mit de naam de Go.lden Teun al snel  op toffel. Teun Metselaars was d’n urste Prins van ’t Bombakkes ien 1947, en de mi.nse die 'm gekénd hébbe zulle zegge dat  Teun  enne biezo.ndere mi.ns was. Daorum kos dees onderscheijing mar naor eene mi.ns vernoemd worre.

't Jubeleumwiekend van 't Bombakkes zit d'r alwér op. Drie daag lang wier 't 6 maol 11 jaorrig bestaon van de Génnepse Vastelaovesklup uutgebreid gevie.rd.

't Begos allemôl op vrïjdagaovend mit ennen aovend vör de wat a.ldere Génnepse Jeugd. De DJ's van Radio 538 zörgde vör en daverende sjoo die mit recht de naam "Bombvalley" mocht draage. Hôs 500 feestvierders hebbe tot ien de klèè.ne uurtjes genoote van de prachtige sfeer en meziek.