’t Bombakkes kent sins en ântal jaore de Compaene. Dit zien mi.nse die ’t Bombakkes en we.rm hart toedraage en dör ’t betaole van en klèè.n bedrag, 11 euro per jaor, de klup ôk finansjeel ondersteune.

Compaene hebbe en ântal vördele; Ze kriege vörrang bïj de plétsbesprè.king en korting op de entreepries van de zittingsaovend en gratis toegang tot ’t Prinsebal (normaal € 6,-) en alle a.ndere Bombakkes aktiviteite. Ôk worre ze uutgenodigd vör de jaorlekse Compaenevergadering waorien ze dör ’t Bestuur op de högte gebraocht worre van ’t reile en zeile van de klup én ôk hun èège mening, suggesties en commentaar kwiet kunne.

Alle Compaene ontvange én mójje medalje waorien hun lidmaatschap en titel tot uutdrukking komme. Dees medalje blieft eigendom van de klup en motte wer ienlevere as as ge d’r mit stopt. Ôk kriede ieder jaor van ów lidmaatschap en jaorpinneke uutgereikt, dat ge ên ’t leent van de medalje va.st kunt ma.ke. Zo vergette ôk nooit mer hoe lang ge al Compaen van ’t Bombakkes ziet.

As ge ów wilt enme.lde, print dan onderstaond formulier uut, vul ’t ien, ondertèèken ’t en lever ’t ien bïj de Compaene-administraasie (Loodstraat 11, 6591 EJ Gennep). Dan kriede daor ôk meteen ów medalje en pinneke.

INSCHRIJFFORMULIER COMPAENEN

Liever Vriend?

Vör partikuliere of klèène bedrieve die iets meer wille doe.n, is d’r ôk nog a.ltied de meugelekheid öm Vriend van ’t Bombakkes te worre. Vriende van ’t Bombakkes steune de klup mit wat extra finansjieje waordör wïj al o.ns aktiviteite kunne blie.ve organisiere. As Vriend betaolde 60 euro per jaor, maar daorvör kriegde ôk meer trug: Gratis entrée bïj de zittingsaovend én ’t Prinsebal vör TWEE persoone, en gratis toegang vör alle a.ndere Bombakkes aktiviteite, ôk vör TWEE persoone. As ge wi.lt wördt ôk ówwe (bedriefs-)naam verme.ld op en bord bïj o.ns aktiviteite. As Vriend ziede automaties ôk Compaen, wat betèèkent dat ge ôk die medalje (twee as ge mit zien tweeje ziet) en de jaorpinnekes kriegt.

As ge interesse hét öm Vriend te worre, stuur dan efkes en mailtje naor o.nze schatbewaorder: penningmeester@bombakkes.nl. Ôk as ge al Compaen ziet, mar ów èège gè.r wilt “upgreede” naor Vriend, kunde daor tere.cht.

Wie.ziginge

Ziede al Compaen of Vriend en wilde wieziginge ien (mail)adres/ tillefoonnummers etc dörgèève, duut da dan via compaenen@bombakkes.nl. Dan kömt ’t licht goe.d.

Facebooktwitter