Mi.nse zulle misschien wel di.nke, die zal toch wèl gewééte hebbe hoe de ha.ze lope. Nou ik kan öllie zègge ge wèt eige.lik hillemôl niks. Prins en prinses zien is toch wél héél a.nders en dat is verrekes moïj kan ik öllie zegge.
Dat begon al op d’n aovend dat de prinsenkeuzecommissie was. Ge gaot d’r naor toe mit ’t idéé öm un nïje prins te kie.ze en dan worde èges gevraogd of ge prins wilt worre. Achter de scherme hadde Tijs, Guus, Stefan en Geert al alles geregeld. Dat was harstikke moïj en was direct un moïje tied.
Ien ’t geheim wa.re Monique en ik van alles ân ’t régéle zonder dat de kiender ôk mâr iets konne ontdekke. Op de dag van het prinsenbal wa.re we dan ôk héé’l blïj dat we uuteindelik uut mochte komme.
Dat uutkomme was vör ons un héél spesjaal moment. De kiender stonde ien de zaol, de moeders, familie en vriende, vastelaovendvierders stonde ienmiddels klaor om ons te ontvange. Mien bruur, Maurice kwam zelf mit zien kapél langs om een serenade ter bringe. De moïjje en biezondere reakties die ge kriegt, dat is e.cht héél gewèldig. Dr wier direct dör de omgeving van alles gedaon. Onze bure, Marijke en Gerwin, zien tot ‘smerges 6 uur bezig gewést öm de garage leeg te ha.le zodat we onze meubels vör ’t ope huus daor op konnen slaon. De buurt ging direct versiere. Mien hofkapel Zuutjes En, ging direct an de slag om van alles te régele. Echt geweldig. Vór de kaarte van de recepsie konde we zelfs de cliënte van DIA+, van Monique d’r werruk ienscha.kele. Ien un mum van tied hadde ze alle kaa.rte ien de enveloppe zitte.
Mit de receptie was d’r ien korte tied ôk van alles gerégeld dör veul mi.nse. Vór o.ns was ’t toch wel héél bizonder toen onze ège kiender Raoul en Amber un moïj verhaal ovver o.ns hadde gemâkt. Dit is sowieso bizonder ân het prins zien. Al die reakties, al die mi.nse die vör ow klaor staon en van alles vör ow doen. Dat zien juust de dinge die ’t zo bizonder ma.ke. Natuurlik zien alle aktiviteite moïj. De zitting, de mértzitting, d’n optocht, echt allemôl gewèlidig, dat ge dit as prinsepaar mit ôw gezin möcht belève. Mâr ’t zien juust ôk die kliene dinge die zo biezonder zien. De bezuukjes bij m.inse thuus, ge wördt echt overal koninklik ontva.nge. De ziekebezuukjes, dat is ôk echt héél spesjaal.
Zeker as we now ’s t’rugdi.nke ân die mi.nse die inmiddels nie mèr tusse ons midde zien. Nao de vastelaovend zien d’r ôk nog veul spesjale momente. Dat zien van die moménte die ge als buutestaonder nie ien de ga.te hét. T’rugblikke mit ’t team, uutéte mit de familie Noy van printmarkt, veul aovendjes naowawelle of een barbequetje mit al die mi.nsie die veul vör ow betekend hébbe. Al die bonne die ge hèt gekrege gebruuke, mit veul etentjes, dagjes uut en mit de kiender un weekendje naor Turijn.
En as ge dan di.nkt dat het klaor is, dan stét de maond November wèr vör de deur. D’n aftrap, Gaon en de Gulden humor. Hèèl moïj dat ge die tied dan ôk nog hèt. Mi.nse allemôl beda.nkt vör
un gewèldig jaor. Zuutjes En, bedankt dat gullie as hofkapel zo moïj mit hèbbe gedaon mit ons. Spesjaal wil ik ons team beda.nke die ’t héél jaor klaor hèbbe gestaon vör ons. Barend en Jeanette, Ivo en Henriette en Jos, bedankt vör alle goeije zörge. Wïj gaon dit héél spesjale jaor nooit mér vergète.
Ex prins Marco en ex prinses
Monique