Prins Marco d’n Örste!

Ien unne goe.d gevulde feesttempel van 4-Events het de nïjje Hoogheid van ’t Bombakkes zich gisteraovend bekend gemâkt. En ’t is vör de Génnepse vastelaovendgékke génne onbekende: Niemand minder as Bombakkes vörzitter Marco Seelen gét vanaf nów as Prins Marco d’n Örste dör ’t lèève. Saame mit zien lieftallige Prinsés Monique, zal hïj o.ns vörgaon ien de kommende dolle daag.

Op ’t vernïjde “Prinsebal Masqué” waare veul mój verkleejde én gemaskerde ga.ste afgekómme. Iedereen was ien afwachting van ’t démasque, mar vördét ’t ze wied was wiere ö.rst nog de vier nïjje Dansmarietjes ân ’t publiek vörgesteld. Nina, Marloes, Lisa en Jet zulle o.nzen Hoogheid de kómmende jaore gaon vergezelle.

Daornao was ’t d’n tied vör Wiendkracht 11: Dees 15-koppige bend uut Venroy had wénnig moeite öm de zaol op te we.rme vör ’t groote mome.nt waor iedereen vör gekómme was. ’t Wier duuster ien de zaol, en mit een laser-projéksie zaage we unne tunnel ontstaon. Vorst Geert riep ut publiek op öm de maskers af te zétte en daornao begos ’t aftelle. ’t Sieloewet van de nïjje Hoogheid wier èn ’t eind van de tunnel zichtbaar. ’t Licht ging ân, d’n tunnel uut, en ienèèns was ie daor: Prins Marco d’n Örste van ’t Bombakkes!
Ut entoezjasme ien de zaol was grandioos. Zien èège joekskepel Zuutjes Èn blies ’t dak d’r af en al gáw sto.nd ôk Prinsés Monique nevve hurre Prins te straole.

Nao ’t vörlèèze van de proklamaasie en ’t bekénd maake van de benoeminge kwame Prins en Prinsés de zaol ien en kos ’t feest e.cht los gaon. Saame mit de Joekskapélle, DJ Hans én Wiendkracht 11 wier ’t nog unne fantastiese aovend.

Ge ku.nt nów alvast een bietje naogeniete mit de foto’s van Marco Thijssen.

Eѐne va.ste gast kömt nie mѐr……

Jacob Jan van Westervoort, hėlemol uut Krommenie kwam ie. Trouw ieder jaor mit d’n trein ѐn de bus naor Gennep um mit o.ns Vastelaovend te viere. Mar Jacob Jan is nie mѐr. Op 6 jannewaorie is ie ien zien huus ien Krommenie overleeje.

’t Was een vertrouwd gezicht as hej dan dӧr Gennep lie.p, ien altied een moj versierd uuniforrem mit ’n nog mojjere pѐt en nie te vergѐѐte zien sigaar. Jacob Jan was bej alle aktiviteite ѐnweezig. Mėėstal stond ie op de achtergrond te geniete mar bej de kienderoptocht liep ie gѐr veurop. Kommende Vastelaovende zulle we ’t zonder ‘m motte doe.n.

Jacob Jan had altied tied vör ’n prötje vol mit komplimente vör alles en iedereen die er vör zörgen dat de Vastelaovend ien Gennep draajt.

Adieu Marleen…

Dit is een bericht wat we liever nie hân geschrééve, mar ’t onvermijdelijke is gebeurd.

Gisteren ontvinge wïj ’t droevige bericht dat Marleen van Schijndel-Hermsen o.ns is ontvallen. Un verschrikkelijke ziekte waorvan nie te winne vie.l, het o.ns Marleen weggenoome. We herinneren Marleen als un betrokke verenigingsmi.ns. Niks was te veul gevraogd ge kôs altied op Marleen rèèkene. Ze sto.nd nie gér op de vörgro.nd en dus was ’t jaor dat ze saame mit Marcel Prins en Prinses van ’t Bombakkes was ekkes wenne. Mar die rol paste Marleen heel goe.d. Afgeloope seizoen hebben Marcel en Marleen afscheid genoome van de Raod van Elf van ’t Bombakkes. Nao veul jaore klaor staon vör ’t Bombakkes was ’t moj gewèst. Maar ze blééve betrokke. We gaon Marleen ontzettend missen en we wi.nse Marcel en Lisa heel veul sterkte mit dit groote verlies van un fantastische vrouw en en wèrme en lie.ve moeder.

Zoals wel dûkker gezegd: de Vastelaovend is as ’t lèève zelf. Vaak unne lach en soms unne traon. Ondanks al ’t verdriet van dit moment gaon wïj ówwe lach, Marleen, nooit vergèète. Adieu…….