Bizonder gröts kunne wïj me.lde dat vanmé.rge o.nze Commandeur Theo Roosenboom en o.nzen Officier Gilbert van der Mooren naames ziene Majesteit de Könning dör Burgemèèster de Könning benoemd zien tot Lid ien de Orde van Oranje Nassau.

Theo Roosenboom

Commandeur Theo kreeg ’t lie.ntje opgespe.ld vör zien groote verdienste vör de Génnepse gemeenschap, waorvan en groot deel bïj en vör ’t Bombakkes, de Mè.rtzitting en de Génnepse Vastelaovend ien ’t algemeen.

Theo was Prins ien 1990 en van 1994 wies 2010 Vorst van ’t Bombakkes en daornao nog 3 jaor bestuurslid. Bïj zien afscheid in 2013 wier hïj vör al die verdienste al benoemd tot Commandeur.

Gilbert van der Mooren

Ôk Officier Gilbert kreeg de onderscheiding vör al ’t we.rk det ie gedaon hét vör de Génnepse gemeenschap (en daorbuute) en ôk Gilbert zien benoeming was vol ondersteund dör ’t Bombakkes.

Gilbert was Prins ien 2006 en van 2002 wies 2013 vörzitter. Ien die periode hét ie de vereniging gemoderniseerd (di.nk èn de compaene) en o.a. ’t iniesjatief genoome tot o.ns nïjje onderkomme, wat nów zaol Pica Mare is.

Theo en Karin, Gilbert en Marijon, naames Prins Stefan, Prinsés Ankie en heel ’t Bombakkes van harte gefilliciteerd mit dees dik verdiende onderscheidinge!

Lie.ntjes vör Commandeur en Officier