Op ’t Boerebal afgeloope zaoterdag hébbe wïj afscheid genoome van Prins Stef en Prinsés Dyantha en van o.ns drie da.nsmarietjes Marlie, Eefke en Nieky. ’t Was enne mójje aovend mit veul meziek en zeas dat heurt bïj en afscheid, enne lach en enne traon.

D’n aovend wier geopend dör Jeugd Joekskepél d’r Ân die “hun” Prins en Prinsés nog en muzikaol eerbetoon kwaame brénge. Ôk joekskepél Zuutjes Èn en Hofkepel Nè.ve d’n diepvries mie.ke d’r al gáw en moj feest van. Zïj wiere afgewisseld dör prieswinnaars van ’t Lallebal, waorbïj ôk ’t vriendestel van de Prins, “CV Hakuna Matata”, was uutgenodigd.

De (Ex-)Da.nsmarietjes mit “K3”

Efkes vör half elf was ’t tied öm afscheid te neeme van o.ns Da.nsmarietjes. Nao en kort dankwoord van Vorst Maarten, wiere zïj verrast dör en optreeje van “K3”; dat bleeke hun twédde adjuda.nte van de afgeloope jaore te zien. ’t Wier nog efkes emosjoneel toen Marlie, Eefke en Nieky opgenoome wiere ien ’t klupke van ex-Da.nsmarietjes, want toen was ’t vör hun e.cht afgeloope.

Klokslag elf uur kreeg Prins Stef de gelegenheid öm saame mit Prinsés Dyantha zien onderdane nog ’s te beda.nke vör en geweldig Prinsejaor. Zïj slote af dör mit zien tweeje, op trompét en sax ’t mójje liedje “Nao ’t Zuuje” te speule. Iedereen zong mit, en dat daormit de maximale 11 minuute en bietje opgerekt wiere, vond èègelek niemand e.rg. Mar toen was d’r gén ontkómme mér ân: Saame mit Vorst Maarten dro.nk Prins Stef nog één létste glèske koenjak waornao hïj, onder de kla.nke van de krääjemars, van alle Prinseleke waordighede wier ontdaon. En vördat we ’t ien de gaate hân, stond ie inèèns ien tiesjurt mit opdruk: “Raad eens, ik blijf”. Daormit gaf Stef èn dat ie toetreejt tot de raod van elf van ’t Bombakkes en daor zien wïj natuurlek heel blïj mit!

Daor gét de steek…

Ovver da tiesjirt ging al gáw de boerekiel van de ex-hoogheden en mit enne rooje zaddoek en en kieps stond daor wér gewoon “Boer Stef”. De Ex-Hoogheden sto.nde ienmiddels klaor öm Stef op te neeme ien hun broederschap. Hij kreeg van vörzitter Hay de Kój zien rechte en plichte vörgelèèze waornao alle a.ld-Prinse Stef de weg naor de tap weeze waor hïj hun op ’t örste rö.ndje kos traktiere.
Ien ’t kefee van Hotel de Kroon ging ’t feest evvel gewoon dör en bleef ’t nog lang onru.stig.

De foto’s van ’t Boerebal en de Boerekoffietôffel staon ien dit album. (Mit da.nk èn Plötje en Mireille)

Afscheid van Prins, Prinsés en Da.nsmarietjes