Jeugdjoekskepél d’r Ân wint ’t Lallebal!

De jeugd dör ’t dolle hin, nao bekendmaaking van de uutslag

’t 4e Lallebal van ’t Bombakkes is afgeloope zaoterdag gewonne dör Jeugdjoekskepél d’r Ân. Mit hunne ènstèèkelek rap “Potentie” wisse ze de zjuurie te ovvertuuge en lie.te ze zie.n dat d’r kwa vastelaovend nog zat potentie zit ien de Génnepse jeugd! De twédde pries was vör Zuutjes Èn mit hun liedje “Vier Vasteloavend Saame” en de derde pléts was vör de Waggelaars mit “Génnep van Baove”. Zïj ginge ôk mit de thema-pries strieke.

(meer…)

D’n Aftrap: Wat én feest!

En volle Mé.rt bïj d’n Aftrap op d’n 11e van d’n 11e 2019

Öm eerlek te zégge, wisse wïj nie wat wïj d’r van mósse verwa.chte. Zów d’r wel animo zien, vör zun feest op enne “dördewèèkse” môndag? Nów, dat was d’r! En bomvolle Mé.rt was getuuge van enne prachtige oopening van o.ns nïjje seizoen.
De enthousiaste reaksies én de groote opkomst liete o.ns zie.n dat we saame mit de Kroon en de Typhoon enne goeie zet hebbe gedaon. Dus schrie.f ’t mar vast ien ówwe agenda: 11-11-2020: D’n twédde Aftrap!!!

Meer mojje plötjes kunde viende ien ’t spissjaole Aftrap album