Kérmiszondag sto.nd 't Bombakkes mit en krömke bïj de iengang van 't Europaplein öm reklaame te maake vör de aftrap van 't Jubeleumseizoen op d'n 11e van d'n 11e 2011. Op dizze zéér karnavalisstiese en joeksige (vrïj)dag zal d'r en extra jubeleumfeestaovend geha.lde worre ien Pica Mare. Nao de openingsmis ien de Martinuskerk en de offisjeele opening op de Mé.rt knalle wïj 't vijfde seizoen ien! En d'n aovend wördt mitgewérkt dör alle Génnepse Joekskapélle, DJ's Hans & Hans en de gewéldige jonge Venloose Dialectbend "(ZOEMAAR)" die hun èège rippertwaar kombineere mit Limburgse vastelaovesmeziek, mar dan wel ien en a.nder jéske. E.cht ennen aovend vör jong en a.ld öm ów nou al op te spitse. En 't mojste is: ge mögt vör niks naor binne!

Öm dit unieke feest bïj de mi.nse onder de endacht te brenge, wiere d'r op de kermis folders mit en konsumsiebönneke uutgedèè.ld en kreeg iedereen die wój en lékker kermisborreltje van o.nzen Hoogheid, Prins Marcel d'n Urste.