Noa afloop van de offisjele opening, buute vör 't Stadhuus, stond op d'n 11e van d'n 11e nóg en offisjeel gedeelte op 't programma: 't Afscheid van de raodslid Arno -Amadeus- Marinussen (alias de Komponist) en bestuurslid Frank Smits (alias de Flamingo). Vanwège 't feit dat ze allebei meer as 11 jaor lid gewest ware wiere ze automaties Erelid en dus ok Compaen. Hun verrassing was echter heel groot, toen ze de Compaenmedalje drék wér ien mosse levere, ömdat ze dör Prins Maarten bevorderd wie.re tot Officier van 't Bombakkes.

Frank Smits wier ien 1991 uutgeroe.pe tot Prins Carnaval. Daornao is hïj 't Bombakkes ruum 18 jaor trów geble.ve, as raodslid, mar ôk as bestuurslid en sikkretaris. Ien zien prinsejaor het ie zien Yvonne (die toen bij de dansgarde zat) lere kenne en en jaor lâtter zien ze getrówd. Frank was, ze as Vorst Theo 't zei, ennen é.chte Smits: goe.d ien organisiere en a.ltied alles tot ien de pu.ntjes verzörgd en uutgewerkt. 't Bombakkes is Frank dan ôk veul dank verschuldigd en 't ïs dus ôk nie meer as loogies dat Frank d'n eretitel "Officier van 't Bombakkes" mög dra.ge.

Arno Marinussen wier ien 1995 tot Prins Carnaval verkoze. Daorvör was hïj evvel al één van de stuwende krachte a.chter o.ns Schlagerbal. Da is iet trówwes nog tot op d'n dag van vandaag. Ien al die jaore het ie honderde arrangemente geschreve en mit de schlagerkapel hôs alle liedjes iengestudierd én begeleid op 't bal zelf. Arno was (en is) en man van tradisies. Hïj wis presie.s wat 't protokol was bíj diverse gelegenhede en wees a.ndere daor ôk op. Ôk mit Arno verlieze wïj en zeer gewaardeerd Raodslid, mar wïj zien d'r van ôvvertuu.gd dat hïj, nów ien de rol van Officier van 't Bombakkes, zien steentje bïj zal blieve drage.

Uut hande van Prins Maarten krege allebei de nïjje Officiere de bïjbeheurende medalje, 't schuitje én de oorkonde ovverhandigd. Natuurlek wie.re ôk de vrollie, Yvonne en Karin ien de bluumkes gezet, waornao de laureaten de fillisitasies van alle énwezige vastelaovendvierders ien ontvangst kosse neme.

Meer foto's zien te viende ien 't album van de opening.