Afgeloope vrïjdag, op d’n 11e van d’n 11e hebbe we ’t nïjje vastelaovesseizoen wér feestelek iengeluid. Nao de mójje openingsmis ien de Martinuskerk, opgeluusterd dör o.ns joekskepélle en vocal group “Goldies”, was ’t en Prins Barend d’n Örste öm op ’t bordes van o.ns 399 jaor a.lde Stadhuus ’t seizoen offiesjeel vör geopend te verklaore. De steeke wiere opgezet en onder de kla.nke van ’t Génneps volkslied wier de vlag van de gezaameleke Génnepse vasteloavesvereniging ien top geheese.
Daornao was ’t de beurt en Vorst Maarten öm zien 11 wi.nse en inténsies vör ’t nïjje seizoen uut te sprèèke; iedere wi.ns ging uuteraard gepaord mit en daverend kanonschot, wér meugelek gemâkt dör ’t Stadskommitee. Bíj ’t twédde schot wier stilgestaon bïj de oprichting van de nïjje Jeugdjoekskepél “D’r Ân!”. Dit nïjje en jonge gezelschap liet al efkes goe.d van zich heure. De 10e wi.ns was vör ’t MaNieFest, ’t groote feestwiekend det wïj ovver persie.s en jaor gaon organiseere. Prins Barend mocht dör enne druk op de knop de spissjaole website ien gebruuk neeme: www.maniefestgennep.nl. Gôt daor mar ’s kie.ke wat d’r dan allemaol te doe.n is!
Ien de naozit bïj Hotel de Kroon wier nog efkes stil gestaon bïj ’t afscheid van Mark Salden as Raodslid. Vör zien langjaorige ienzet wier hïj benoemd tot Erelid van ’t Bombakkes. Uuteraard was d’r ôk enne mójje bos bloeme vör zien Linda. Pastoor Kessels, den ien de mis en op de mé.rt zien ooge uutgekeeke had wier dör o.nze Hoogheid nog benoemd tot Ere-compaen.
Seizoen geopend!