Wïj, Prins Guus d’n Urste, Prins Carnaval 2012

Bij de graasie van alle Bombakkiërs, Kéjjeschieters en Verbouwers van klèèn erpele
Opvolger van d’n onvergèèteleke Prins Marcel d’n Urste en zien Prinses Marleen
Opgegroeid ien de Duuvenakkerstraot, nów wonend op ’t Voorhoevepark
Zoon van Prins Ger d’n Urste en Prinses Diana van de Waggelaars

“President” van de Roze Vogols
Ânvoerder en “all-round” speuler van ’t viert
Grootmèèster ien ’t coördinere van techniese zaake bïj Flamingo’s ’56
As menneke altied mitgedaon ân de optocht bïj “de Bolderkar”
Lid van spaorkas “de Lètste Gulden” bïj de Dragonder
Jubeleumprins van ‘t 6x11 jaorige Bombakkes

Laote weete en alle vasteloavendgékke ien o.nze Bombakkesstad die dit lèèze, heure en wille ontha.lde en nie mer vergèè.te, de vollegende benoeminge:

As mien prinses: Mien èège Meike, van “de Verkeskop” uut Beuge
As miene Urste Adjudant: Jochem Thissen, alias “d’n Plékker”.
As miene Twedde Adjudant: Ton Peters, alias “d’n Kruuperd”.
As miene Schorriemorriemèèster: Tijs Kerkhof, alias “d’n Schuu.perd”.
As mien Hofdames: Loes Roosenboom, Nena van Arensbergen, Steffi Verhasselt en Laura van Treeck

Verder blie.ve alle portefuijjes ongewie.zigd en hebbe wij vör dizze Vastelaovend de vollegende proklamaasie uutgevaordigd:

11. Normaal goj ik elluk weekend volleyballe mit Los Galacticos
Mar mit de Vastelaovend gaon wïj liever springen, gek doen en an de hos

10. Vastelaovend zonder meziek is nie vör te stelle
Mar gelukkig hebbe wïj mundig goeje joekskapellen

9. Wïj wèè.nse groot en klèèn veul plezier en lol
Dan gaon wïj mit Vastelaovend allemaol uut de bol

8. Wïj roepe alle jeugd op öm ôk dit jaor wèr mit te doe.n
Dan gèt de Génnepse vasteloavend nooit mit pensioen

7. Ien onze femilie hebbe wïj al veul Prinse gehad
Nów zwaai ôk ik mit de scepter ien dees mójje stad

6. Vroeger dûk mit de Bolderkar mitgedaon
Haopelek blie.ve ze nog en jaortje bestaon

5. Iedereen die nie ien d’n optocht mit kan gaon
Mot as publiek nevve de ka.nt komme staon

4. Flamingo’s mot ien de plenning kieke wanneer wïj volleyballe
Want de Roze Vogols willen ôk wer bïj ‘t Schlagerbal mit lalle.

3. Gillie mot allemaol naar ‘t jubileumweekend gaon
Dizze keer gèn zitting want ge mot blieve staon

2. Dit jaor gaon wïj mit zien alle vör d’n 11e keer naor de Mè.rt
Mit 11 LVK winnaars wördt dit en groots konsert

1. ’t Bombakkes organiseert Vastelaovend ien Gennep al 6x11 jaor
Volg de Prins en de Raod, dan vieren wïj dit jubileum mit mekaor

Mien leus vör dees daag is:

Vier feest ien de Gennepse kroege, op de Mè.rt en ien de straote
Mak d’r enne onvergèè.teleke Vastelaovend van, waor wïj nog jaore ovver praote

Aldus vörgelèèze en dör óllie allemaol goe.d ontha.lde.
Gedaon ien de Stad Gennep op 11 + 3 jannewaorie ien t joar 2011 + 1.

’t Krölt er!! Moel, moel!!