't Jubeleumwiekend van 't Bombakkes zit d'r alwér op. Drie daag lang wier 't 6 maol 11 jaorrig bestaon van de Génnepse Vastelaovesklup uutgebreid gevie.rd.
't Begos allemôl op vrïjdagaovend mit ennen aovend vör de wat a.ldere Génnepse Jeugd. De DJ's van Radio 538 zörgde vör en daverende sjoo die mit recht de naam "Bombvalley" mocht draage. Hôs 500 feestvierders hebbe tot ien de klèè.ne uurtjes genoote van de prachtige sfeer en meziek.
Laatst aangepast (maandag, 06 februari 2012 23:54)
Dör 't zette van de létste penseelstreeke op en schilderij hét Prinses Meike"(Prins Guus kos vanwèège zien we.rk helaas onmeugelek enwezig zien) vrïjdagaovend offisjeel de Via Carnevale oftewel de Kunst Roet 66 geopend. Op dees kunstroete zien schilderijje te zie.n van leerlingen van kunstenaar Mirso, die zich en ental maonde bezig geha.lde hébbe mit 't thema "Masker" oftewel "Bombakkes". De kunstwe.rke hange ien de winkelstraote (Niersstraot, Zandstraot en Spoorstraot) van Génnep. Ze zien goe.d te viende dör de gruun-witte striepkes die op straot geschilderd zien. Vanwèège hun inzet vör dit project kreege inisjatiefneemers Mirso en Hay van Arensbergen de jubeleummedájje van 't Bombakkes ömgehange, net as Margriet Weerts, die ôk heel veul we.rk vör dit project verzét hét. Op d'n éggeste aovend wier ôk enne prachtige folder/pooster onthuld, waorop alle ruum 70 kunstwerke op en gewéldig mójje manier zien saamegebraocht. Dizze poster zal vanaf kómmend maondag te krie.ge zien bïj de Printmarkt ien de Niersstraot. Foto's van alle kunstwérke (gemâkt dör 't Plékplötje) kunde evvel ôk hiero.nder bekie.ke. De foto's van de opening staon ien en apart album.
Laatst aangepast (zaterdag, 21 januari 2012 14:43)
O.nder de naam “ROET 66” (zésenzé.stig, nie sikstiesiks) is ’t Bombakkes onderweg naor ‘t 6 x 11 jaorig jubeleum ien ’t seizoen 2011-2012. Al en ental maonde zien verschillende kemissies én de géng mit de vörberéjdinge van en stel prachtige aktiviteite die mit dat jubeleum geha.lde zulle worre. Ömdat de aktiviteite al beginne vördat d’n Bombakkeskra.nt van 2012 verschient, kriede nów al en vörproefje van wat óllie te wa.chte stet.
Wat daochte van:
En schitterende opening van ’t vastelaovendseizoen 2011-2012, mit en spektakulaire start en opening van ’t seizoen op vréjdag 11 november 2011 (11-11-11 !!!)
’t Daverende jubeleumwiekend van 3 wies 5 fibbrewaorie 2012 mit
Spissjaal vör de jeugd, jongere en iedereen die daor (nog) bïj wil heure op vréjdag 3 fibbrewaorie en shoo van Radio 538 ien Pica Mare mit en par van hun heel beroemde diskzjokkies.
En reünie van en vör iedereen den ooit wat mit ’t Bombakkes te maake hét gehad; a.ld-raodsleeje, vörmalige da.nsmarietjes, Ex-Hoogheden, a.ld-hofkapel muzika.nte en zo wier. Alles op zaoterdagmiddag 4 fibbrewaori, ôk ien Pica Mare.
Zaoterdagaovend 4 fibbrewaorie út nïjje evenement: de “STAONING” onder de naam: “NA.CHT VAN ’T BOMBAKKES”. Alles wat gïj ooit en högtepu.nte het mitgemakt op zittinge, mé.rtzittinge en a.ndere vastelaovesaktiviteite, komme same ien dees “mega-shoo” van 19.11 uur wies die.p ien de na.cht. Natuurlek ôk wér ien de feestzaol van Pica Mare.
’t Wiekend wördt afgeslote op zondag 5 fibbrewaorie mit de “PROSEPSIE”. Dit is en sort resepsie, mar dan andersöm: de jubilaris gét névve alle ga.ste ien pléts van a.ndersöm.
En dan natuurlek nog ’t vastelaovendweekend èèges, mit vanaf zaoterdag 18 fibbrewaorie 2012 en spissjale jubeleum-ediesie (11e keer!) van de MÉ.RTZITTING, de OPTOCHT en alle bekende vasteloavesaktiviteite.
Nïjsschierig? Lèès dan wie.r en verbaas ów aovver wat ’t Bombakkes allemôl bedôcht hét öm ‘t 6 x 11 jaorig jubeleum op gepaste wie.s te viere. Nog nie alle detajs zien beke.nd of kunne hier geprizzentierd worre. Mar öm d’n honger op te wékke, mot ’t zicht op de menukaort al meer as genoeg zien.
Nïjs
