Op de Prosépsie t.g.v. 't 6x11 jaorrig bestaon van 't Bombakkes is vör d'n urste keer en nïjje onderscheijjing uutgereikt: De Go.lden Teun.

2,5 jaor geleeje, toen 't Bombakkes begos mit de plannen vör ‘t 66 jaorig bestaon kwam ‘t idee um en onderscheiding uut te reiken mit de naam de Go.lden Teun al snel  op toffel. Teun Metselaars was d’n urste Prins van ’t Bombakkes ien 1947, en de mi.nse die 'm gekénd hébbe zulle zegge dat  Teun  enne biezo.ndere mi.ns was. Daorum kos dees onderscheijing mar naor eene mi.ns vernoemd worre.

De kemmissie van vördracht besto.nd uut Burgemèèster Marleis de Loo, Politicus en Vruuter Paul Wessels, Vörzitter Gilbert van der Mooren en Grootvorst Theo Roosenboom. Dees kemissie is u.rst begonne mit 't va.stlegge van de kriteria. En die waare as volgt:

- Bliek van waardering en erkentelijkheid
- Biezonder verdiensteluk gemakt vör de Vastelaovend ien Gennep in’t biezonder Bombakkes
- Breed maatschappeluk betrokken
- Bej vörkeur iemand die ien de luwte actief is
- Niet uut ’t eege kringske van Bombakkes
- Creatief, genietend van de Vastelaovend en dat ok uutstraolen

Daorbïj wier d'r vör 2012 't thema "Verbiending tusse generaasies" en verbo.nde.

Dit alles ien de ovverwèèginge mitneemend, hét de kemissie besloote öm d'n urste Go.lden Teun, ien 't jubeleumjaor van 6x11 toe te kennen en:

PETER JETTEN

En wel öm de vollegende reeje:

- Grote verdienste vör stimulering jeugscarnaval ien verbondenheid mit Bombakkes

- Prinseraoje
- As instrument um mi.nse te betrekke en nejsgierig te maake
- Opbrengst vör de Jeugdboerebrulloft een gezaamelijke activiteit van de Coloradokevers en ’t Bombakkes

- Kienderoptocht
- Grote anaimator mit toverhoed ervör zurgend dat ieder kiend ’n prieske mit naor huus kreeg
- Etalage vol mit pries en de kiender mit de natte neus tegge dees etalageruut
- Gestimuleerd dör zien eege ervaring vroeger mit de kienderoptocht

- Carnevalist, Humorist
- Gastheer, Oberkelner van o.ns Residensie Hotel de Kroon
- Steun en toeverlaot (as Toon nog ien bed lag) bij o.nze toenmaolige zaolactiviteiten ien de Kroon
- Mit verve Ceremoniemester bej de Kè.lszittingen, zeker as ’t um moj vrollie get
- En als letste en mèèst biezondere: Peter had qua humor en uutstraoling zelf enne Teun kunne zien

Peter kreeg uut ha.nde van Harrie-Jan Metselaars (zoon van Teun) en mój beeldje gemakt dör Dot van Bergen, vörstellende ennen e.chte Teun mit en go.lde steek op. Daorbïj heurde natuurlek ôk en orde mit dezelfde beeltenis en draaginsigne en en oorkonde.
Peter was zichtbaar ontdaon dör de grote eer en zei ien zien da.nkwoordje dat ie 't a.ltied allemaol gedaon hét vör de kiender, ömdat die o.ns toekomst zien.