Veul högtepu.nte op de Zitting
De zittingsaovend van ’t Bombakkes was wér één grote heppening (öm mar en goe.d Génneps woord te gebruuke). Mit én mój en verrassend programma, mit heel veul artieste, wier ’t publiek tot nao twellef uur ’s na.chts fantasties geammesierd.
Vördat Vorst Maarten names Prins Alfred I alle énwezige wélkom had gehiette, had joekskapel Zuutjes En, de zoal al getraktierd op gezellige blaosmeziek. ’t Urste optréje van d’n aovend wier verzörgd dör de jongste lichting van de Bombakkes Dansgarde, mit 't thema "High School Musical".Ge kond zie.n dat de meidjes al dukker op 't podium gestaon hân, want ze deeje ’t ummundig goe.d. Ze krege en daverend applaus uut de zaol.
Nao de mini-dansgarde was 't tied vör d'n urste buut. Prutske (Kitty Goverde uut Uuje) zaot al 15 jaor op de VLS (de Verekkes Léggere Schôl) en kwam daor mar nie vanaf. Ze scheen vroeger nog gynekoloogje gespeuld te hebbe mit Prins Alfred, waordör hur moe.der altied alle lè.pels kwiet was.
De ex-Hoogheden van ’t Bombakkes mo.chte net as afgelope jaor hunne winnende schlager op de buun brenge: "Enne Gennepse vogel". Mit allemôl ennen ooievaar op de kop zage ze d'r prachtig uut.
De middelste lichting van de Bombakkesdansgarde presentierde daornao enne mójje gardedans, mit as thema "It's raining men!". Dees vrollie lie.te zien dat ze, ondanks de jeugdige lèèftied al fli.nk wat podiumervaring hebbe. 't Zag d'r allemôl heel goed uut.
't Duo Pin en Greet, afkomstig uut 't diepe zuijje van o.ns provinsie, brôcht en kolderieke act mit muziek en humor. 't Was en echtpaor wat moeilek mit mekaor mar ôk nie zonder mekaor kos. De tèègestelling tusse de stevige vrów en d'n draodmagere kèl wier mój uutgewerrekt.
Daornao was 't tied vör en mój stukske meziek: drie van Bombakkes' èège vrollie, Monique, Séverine en Birgit (volgens Vorst Maarten o.ns nïjje Podiumstukke), braochte as "Daor kriede mar praot van" en éntal bekende liedjes, die op ennen nïjje Gennepse tekst gezet ware. Via 't grote videosche.rm kôs de hele zaol mitzinge en mit 't létste nummer "Vandaag" ging 't dak d'r af. En prachtige afsluuting van de örste helleft.
Nao de pauze kwame de ex-Hoogheden van ’t Bombakkes mit en "multimediaal" spektakel. Ze brochte 't programma: “De Rijdende Rechter”. Daorien kwame twee rechtzake en de orde, die dör enne rechter den te diep ien 't glé.ske gekeke had, wel heel wie.s beslecht wiere. Naodat 't Bombakkes uut ha.nde van ennen ambtenaar alsnog en Vitale Vaos ien ontvangst mog neme (die Grootvorst Theo de Kiep prompt kapot liet valle) wier Meester Visgert alsnog dör schampieter Appelmuuske ien de boeie geslage. De hele act van de Ex-Prinse wier dör de twee ooievaars van 't stadhuus van commentaar vörzien, waorbïj ze wel 't hele podium onderscheete.
De a.ldste lichting van de Bombakkes Dansgarde brôcht daornao enne mójje sjoowda.ns in en Tiroler jéske, waorbïj de vrollie natuurlek prachtige Dirndel klédjes ân hadde.
Vanuut ‘t Ven was politiek commentator Johan van de Grenskant wér ien Gennep nérgestreken. Hïj was hier vör de 10e en ôk letste keer. Jaommer genoeg hét hïj beslote en pu.nt achter zien lange buutreedners karriere te zette. Jan bedankt vör alle mójje jaore, en vöral ôk vör dit prachtige létste optreeje!
Nao Johan was 't de beurt en Jan Sterks. As "huisman" liet ie o.ns op onversnïjje en soms scherrepe manier weete wat 't allemôl ienhé.lt öm huisman te zien. Veul stomme kwats en vöral 't verhaol van "Weeuwsnitje en de Deven Zwerrege" zat heel knap ien mekaor.
’t Slotoptréje van d’n aovend wier verzörgd dör Ziesjoem. Dees Limburgse topformasie en veulvuldig deelnemer én de finale van ’t LVK, trakteerde ’t publiek op én groot éntal Limburgse liedjes. Al gáw was d’r génne stoel mér bezet en da.nste iedereen mit op hunne énstèè.keleke meziek. Ien enne grandiooze finale trok iedereen ien de pollenaise dör de zoal en aover ’t podium. De zitting 2010 kende zo en knallend eind, waorien iedereen uut zien dak ging.
Nog veul meer foto's zien te viende ien 't spissjale album.
De zittingsaovend van ’t Bombakkes kende veul högtepu.nte dit jaor. Mit én mundig gevariejeerd programma, mit heel veul artieste, wier ’t publiek tot nao twellef uur ’s na.chts fantasties geammesierd.
Trug van én
D’n urste buut van d’n aovend was van Marc Heinrichs. Nao zien debuut van vörig jaor prizzentierde hïj zich nów as iemand den én de bar enne grote moel had en dat dan ôk mar ’s vanaf ’t podium mos zien waor te make, volleges de vörzitter van ’t Bombakkes. Hïj had nét én nïje boks en aoverhemd geko.cht en wilde die én ’t pebliek laote zie.n. Hïj kende ôk nog enne goocheltruuk waorbïj hïj de hullep van iemand uut ’t publiek neudig had. ’t Wier én zeer vermakelek optréje, waorbïj ’t pebliek mé.j nie mér bïjkwam van ’t lache. En daverend applaus was zien beloning.
De ex-Hoogheden van ’t Bombakkes hadde én nïj programma: “Kél biet ho.nd”. Daorien kwame allerlei ripportazjes én bod en wiere mi.nse geïntervjoewd. Trugkerende vraog was “Wanneer hedde gïj vör ’t létst gewerkt?” Een van de ripportazjes ging aover stadsarcheoloog Jan Wessesl den en heel bizondere vondst gedaon. Mit opgravingswerkzaamhede op én geheim geha.lde lokasie was hïj op enne heel bizondere ketting gestote. ’t Bleek de sins vörrige wèèk verdwene ambtsketting van burgemèèster de Loo te zien. Dankbaar nom Marlies ’t kleinood ien ontvangst. De a.ldste lichting van de Bombakkes Dansgarde brôcht daornao enne mójje sjoowda.ns op meziek van Christina Aguilera. 
’t Slotoptréje van d’n aovend wier verzörgd dór Kartoesj. Dees Limburgse topformasie en veulvuldig deelnemer én de finale van ’t LVK, trakteerde ’t publiek op én groot éntal Limburgse liedjes. Al gáw was d’r génne stoel mér bezet en da.nste iedereen mit op hunne énstèè.keleke meziek. Ien enne grandiooze finale trok iedereen ien de pollenaise dör de zoal en aover ’t podium. De zitting 2009 kende zo en knallend eind, waorien iedereen uut zien dak ging.
Nów op bezuuk:
|
Nog
wies d'n 11e van d'n 11e 2012!
|