Kómmende zaoterdag, 19 november, wördt de Génnepse Schlager Aller Tijden gekooze. Uut alle liedjes die ien de afgeloope 30 jaor op 't Bombakkes Schlagerbal ten geheure zien gebraocht, is dör alle deelnemers en vörseleksie gemakt van 11 liedjes. Dees liedjes worre zaoterdag, op o.nze liedjesaovend, dör (waor meugelek) de orrizjineele artieste opgevoerd. 't Publiek zal saame mit de eerder dör de deelnemers uutgebraochte stemme bepaole wéllek liedje zich vortaan de Génnepse Schlager Aller Tijden mag noeme.

Dizze bizondere liedjesaovend wördt natuurlek geha.lde ien Pica Mare en begint öm 20.11 uur. De zaol is vanaf 19.30 ope. Kom allemaol, want 't is en einmalige gebeurtenis. Hiero.nder kunde alvast de deelnemende liedjes beluustere.