Op vrïjdag d'n 11e van d'n 11e 2011 brékt vör 't Bombakkes en bizonder jaor en. In mèrt 2012 bestét de Gennepse vastelaovendclup 6x11 jaor en dat mot ien 't kommende "vïjfde seizoen" natuurlek gevierd worre. D'r is ien fibbrewoari en groot jubeleumwiekend geplend, mit veul aktiviteite vör jong en a.ld, mar daorovver lâtter meer.
Op d'n 11e van d'n 11e gaon wïj 't seizoen feestelek opene. En dat duun wïj ien drie etappes.

We beginnen öm 19.00 uur mit en Hellige Mis ien de St. Martinuskerk. Vör 't urst zal Pastoor Bouman o.ns vörgaon en dat belaoft wat bizonders te worre. 't Wördt en mis die nie te misse is. Zeas de Pastoor èèges al twitterde: "We gaan er iets moois van maken".
Nao de mis trékke wïj mit zien alle naor de Mé.rt vör 't Stadhuus, öm o.ns jubeleumseizoen daor knallend te gaon opene. Hoe dat knalle persies ien zien we.rk gét, blieft nog efkes en verrassing, mar Génnep zal weete dat de Vastelaovend d'r wér en kömt. As de steeke wer op o.nze köpkes staon gaon wïj a.nders dan ien a.ndere jaore, naor o.nze feesttempel en de Pikkerdéj, Pica Mare.
Daor zulle wïj vanaf ongevèèr 21.11 uur mit enne prachtige feestaovend gaon viere dat 't vastelaovesseizoen wér begonne is en dat wïj dan e.cht op weg zien naor ons jubeleum ien fibbrewaori. D'n aovend zal worre opgeluusterd dör DJ's Hans en Hans, alle Génnepse Joekskapelle én de Venlose dialectbend (ZOEMAAR). Dees bend speult èège werk, mar ôk veul limburgse (vastelaoves-)meziek, mar dan wél ien en modern jéske. Zekere weete dat gillie dat mój viend!

Dus kom allemaol d'n 11e van d'n 11 en mak d'r same mit 't Bombakkes en prachtig openingsfeest van. Oh ja, ge mögt vör niks naor binne...!