De mé.rtzitting op 18 fibrewaorie 2012 wördt de 11^e editie van dit eveneme.nt. En vör dees edisie worre alle registers ope getrokke en wördt d'r en gigafeest van gemâkt. We beginne al öm 13.00 uur, vanzelfsprèèkend op de Mé.rt ien Génnep en 't feest löpt dör wies ruum 18.00 uur. En wie dan nog dör wil gaon, kan natuurlek ien de Génnepse kefees tere.cht.

De stichting Mé.rtzitting hét naor iets bizonders gezócht en dat gevo.nde ien de 11 winnaars van 't LVK vanaf 2002 tot en met 2012. Dees winnaars brenge allemôl hun winnende song. Mar u.rst brenge Die van de Golde hun winnende schlager aller tijden: “Van wie ziede geij d’r énne”. En dan komme de LVK-winnaars. Zo zien wïj Frans Croonenberg mit Wie d’r HerrGott uit 2002, Peter en Wim mit Dèh dan dao isse uut 2003, Paul en Leo mit Twiemaol aafgezeëg uut 2004, BOV mit Wat zaeter uut 2005, Kartoesj mit Dat zit beij oos in de femilie uut 2006, De Toddezek mit Heeij blief ik plekke uut 2007 en Ni mier en ni minder uut 2009, Bram en Ruud mit de Kriebels uut 2008, W-dreej mit Vandaag uut 2010, Kom 's kieke beij ós uut 2011 én winnaar vör de derde keer op rïj mit Doot ’s gek uut 2012. Vanzelfsprèèkend zinge alle artieste nog völ meer as alleen dees sukseshits.

Mar da's nog nie alles. Wat dochte van en spetterende afsluuting van de Mé.rtzitting mit stimmungskanon Frans Theunisz. En asof da alles nog nie genoeg is, kömt mit de Mé.rtzitting 2012 ôk wér o.nze èège, ennig en uniek groote Mé.rtkepél mit leeje van kepélle uut Génnep, Ootersom en 't Ven. Zön 60 wies 70 muzika.nt zörge d'r vör det de stemming tot en kao.kpu.nt kömt en blieft.

Dör verschillende wétteleke (veiligheids)bepaolinge, mög de organizaasie nie meer dan zön 3000 mi.nse op de Mé.rt toelaote. Ien saamewerking mit de pliesie en de brandwèè.r zal bekeeke worre hoe de entalle mi.nse op de Mé.rt zich verha.lt tot wat d'r wéttelek meugelek is.
De Mé.rt zal rondóm afgesloote worre. D'r is alleen enne iengang vanaf de Zandstraot. Glas en èège dra.nk mitneeme was altied al verbooje, mar d'r wördt dit jaor nóg strenger op gecontroleerd. Dat ge.ldt ôk vör bówwe.rke die 't zicht vör de mi.nse die wie.r naor a.chter staon belemmere of teveul pléts ien beslag neeme. Dees mögge de Mé.rt nie op.