Binnekort stet één van de högtepu.nte ien 't jaor van Prins Marcel op 't programma! De Groot Gennepse Gulpener Mé.rtzitting belaoft ôk 't dit jaor wér en grote heppening te worre. Kiek mar 's naor dit sublieme programma:

Alles viendt natuurlek wér pléts op de Mé.rt ien Gennep. De organizasie is ien hande van 't Bombakkes én de Maskotters uut Ootersom. De prizzentasie lit as a.ltied ien de deskunkdige ha.nd van Theo Roosenboom.

Ex-Hoogheden

Vur d’n twédde keer op rïj wonnen de Ex-hoogheden van Bombakkes in november 2010 't Gennepse schlagerbal mit hun liedje: "Unne Gennepse vogel" mit verwie.zing naor de Gennepse ooievaars. Dus ôk dit jaor opene zïj de 10^e ediesie van de Mèrtzitting

Damazoee

Hun optreeje kunde zonder meer verrassend noeme. Ge dinkt wat ku.mt d’r nów, mar vör dèt ge 't ien de gaate hét, stodde mit te zinge en deinen op.. allöm bekende Duitse schlagers. Wïj hebben al eer Duits op de Mé.rtzitting gehad  mit Willy Girmis. Dit is toch ekkes wèr wat a.nders. Ge ke.nt de meziek en ge ke.nt de liedjes. Dus mitzinge mar mit Damazoee uut Horst ân de Maos.
Meer info: www.damazoee.nl

W-Dreej

W-Dreej, de LVK winnaars van 2011 mit Kôm 's kiéke beej ôs. Vör 'tt urst zien zïj op o.ns Mé.rtzitting. Mar as ge 't rippertwaar en 't entoezjasme van deez zangers ooit hét mitgemakt, godde dur van uut, dat ut zeker niet de lètste keer zal zien. Ien 2010 wonnen zïj ôk al het LVK mit ut lied: VANDAAG. Al en ântal jaore zinge Christel, Hay en Quinn saame as trio: W-dreej. En dat ze dèt erreg goed afgèt zudde zie.n, heure maar veural ervaare op de Mé.rtzitting 2011.
Meer info: www.w-dreej.nl

Everlanders

En stel gezellige muzikante uut Middelaar, zo zegge zïj èèges. Mar wat vun muzikante. Al meer dan 40 jaor zien zïj ien de ömgèèving van Middelaar actief. Ien de vastelaovestied, maar ôk buute 'tt seizoen laote zej gèr van zich heure op campings of feestaovenden ien de ömgeving. Mit swingende muziek en enn rippertwaar dat zïj spissjaal vur de Mértzitting hebbe iengestudierd zörrege zïj d'r vör dat ge ow èège niet hoeft te vervèèle. Zïj zien twee keer te bewondere, want ze mögge ôk de afsluuting van de Mé.rtzitting 2011 vör hun rèèkening neeme.
Meer info: www.everlanders.nl

Kartoesj

Vanuut hun rizzidensie ien Mèstreech komme Geert, Guus, Rene, Guus, Jan en Ruud naor Gennep mit hun schitterende zanggroep Kartoesj. Al zun jaor of 10 zinge zïj saame onder de naam Kartoesj. Zïj zörrege niet alleen dat ge wat te luustere hét, ze zörrege dur ôk vör, dat ge wat te kieke hét dör hun geweldige sjoo. Al dûk ien de finale van het LVK gestaon, brenge zïj 't bèste van zichzelf, mit hits as "Det zit bïj ôs ien de femilie" en "Veer veule os good"
Meer info: www.kartoesj.nl

Beppie Kraft

Wat motte wïj nog toevoege ên de naam Beppie Kraft.

Wie ze niet kent, hét nog nooit vastelaovend gevierd ien Limburg. Dus as gïj tot die cattegorie beheurt, kiek dan ekkes op de website van Beppie:
www.beppiekraft.nl