Afgelope vrïjdag is ien de Stadherberg de nïjje Bombakkeskra.nt uutgeréjkt ân Prins Marcel d'n Urste. O.nder 't toeziend oog van veul genodigden, waoronder alle mitwérkers en de kra.nt en o.ns jaorsponsore en leninggèèvers ovverhandigde Sjang Noy van Printmarkt.eu 't urste exemplaor en o.nze Hoogheid en zien Prinses.

Vördat 't ze wied was, vertélde de vörzitter van de Kra.ntekemissie, John Hofmans alias de Wööles, hoe dit jaor den kra.nt tot stand gekomme was. Hïj naam daorbïj letterlek zien pétje af vör iedereen die en dees prachtige edisie hét mitgewé.rkt. Hïj prees met name de ienzet van alle Compaene die advertensies verko.cht hébbe of veul kopij engeleverd hébbe.

Daornao was 't de beurt en Sjang Noy, den ôk wer enne prachtige vastelaovendpooster had laote make, waorop dit jaor "Johan van de Grenskant" spissjaal geëerd wördt. Johan (Jan Heldens, ex-Vorst van de Wa.ldkrekels) hét engegève te stoppe mit 't make van buuts en dat was vör Sjang reeje öm 'm dit jaor en centrale pléts op de pooster te gèève. Da ding is dus é.cht de moeite wérd öm vör ówwe raam te hange.

Mar èègelek ware alle ga.ste gekomme ömdat ze benïjd ware naor de nïjje Bombakkeskra.nt. Nao nog een kolderieke toespraak van Sjang, kos Prins Marcel eindelek dit felbegeerde periodiek opeslaon. Goedkeurend zag hïj dat 't drukwérk van uutzonderleke kwaliteit was en dat de kra.nt wér vol stet mit prachtige artikele, foto's en natuurlek de onmisbare advertensies. Kómmende wèèk wördt de kra.nt ók bïj ów ien de bus bezörgd. (As ge ien de buurt van Génnep wônt teminste).
Hier zien nog meer foto's van dizze mojje aovend.