Ömdat wïj ien 2002 begonne zien mit de Mé.rtzitting, is die van volgend jaor, 2012, alwér de 11^e uutvoering van dit eveneme.nt. Dat vé.lt saame mit ’t jubeleumjaor van ’t Bombakkes. Sins 2003 organizeere wïj de Mé.rtzitting same mit de Maskotters uut Ootersóm. Vör de ediesie van 2012 gaon wïj e.cht helemaol los en make wïj d’r en giga-feest van. We beginne dan al en uur eer (13.00 u) , op de Mé.rt ien Gennep natuurlek, en trékke dan dör wies ruum 18.00 uur. En wie (’t) dan nog nie zat is, kan daornao natuurlek nog ien de Génneps kefees tere.cht.

De organizaasie hét naor wat bizonders gezocht en dat gevo.nde ien de 11 winnaars van ’t Limburgs Vastelaovesleedjes Konkoer (LVK) vanaf 2002 tot en met 2012, mit hun winnende liedjes. Dat zien Frans Croonenberg mit “Wie d’r HerrGott” uut 2002, Peter en Wim mit “Dèh dan dao isse” uut 2003, Paul en Leo mit “Twiemaal aafgezeëg” uut 2004, BOV met “Wat zaeter” uut 2005, Kartoesj mit “Dat zit beij oos in de femilie” uut 2006, De Toddezek mit “Heej blief ik plekke” uut 2007 en “Nie mier en nie minder” uut 2009, Bram en Ruud mit “de Kriebels” uut 2008 en W-Dreej mit “Vandaag” uut 2010 en "Kôm 's kiéke beej ôs" uut 2011. Natuurlek zinge ze allemôl nog veul meer dan dees suksesnummers. De winnaar 2012 is nów nog nie beke.nd, mar ôk die zulle d’r bïj zien. Mar dat is nog nie alles:

Wat daochte van en grandiooze finale mit “stiemungskanon” Frans Theunisz”. En of da nog nie genoeg is, kömt mit de Mé.rtzitting 2012 ôk wér o.ns èège, ènnigste en unieke Mé.rtkapel (bekend van 2009) opdrave mit lééje van kapelle uut Génnep, Ootersóm en ’t Ven. Zun 60 wies 70 muzika.nte zörrege dat d’r op de Mé.rt wér en “Bombenstimmung” zal kómme én blie.ve!